Die plaas
Excelsior is 'n skaapplaas net buite Vleesbaai, in die hartjie van die Tuinroete (30km vanaf Mosselbaai). Die boerdery behoort al vir vier generasies aan die Fivaz-familie.
Die Stigters
Op 1 Januarie 1983 is alle trekkers en stropers uit die groot plaasskuur uitgetrek om plek te maak vir Stoffel en Pam Fivaz se troue. Jare daarna het Pam haar innoverende kreatiwiteit begin inspan om vir talle ander bruidspare 'n sprokies-plaastroue te laat waar word.
Stoffel & Pam Fivaz
Vandag
Sedert 2020 is Stoffel Junior aan die stuur van die boerdery en sy vrou, Rouxné, het ook deel geword van die Excelsior Weddings span. Pam se naam as topklas-spysenierder loop haar steeds vooruit, en Rouxné se kreatiewe handewerk word uitgebeeld in die blomme, dekor en koördinering van elke unieke troue.
Stoffel Jnr & Rouxné Fivaz
Die Skuur
Die skuur is volledig ingerig en kan tot 180 gaste akkommodeer (met 'n lekker dansbaan).
Plaas-gasvryheid, hoë kwaliteit diens, heerlike kos & pragtige natuurskoon - alles by Excelsior Weddings.
